جالك جلطه ليه

واحد عنده حمار صحى لقى الحمار ميت
خذه ع الدكتور البيطرى علشان يعرف سبب الوفاه
تفاجأ من كلام الدكتور أن الحمار مات بالجلطة.
لف وشه للحمار ومسك ودانه وأخذ يكلمه بتعجب وبحرقه واستغراب.
.
ويقول للحمار
. جالك جلطه ليه؟
جاتلك فاتورة كهرباء ب 700جنية
جالك فاتورة مياه ب 500 جنيه؟
مركب خط نت ب 300 جنيه والنت ما بيجيش؟
بتملى انبوبة  البوتجاز ب150 جنيه؟
نفسك فى بطيخة  ومش قادر تشتريها لانها غالية ؟
الثوم  نزل السوق وخلص وانت ما سمعتش عنه؟
.
جالك جلطه ليه؟
نفسك فى السمك والكيلو وصل 250 جنيه؟
نفسك فى كوب شاى السكر ب 55 جنيه ومافيش؟؟
نفسك تاكل لحمة الكيلو ب 400 جنية ؟؟
جيت تشترى أرز ولقيت الكيلو ب 35 جنيه؟
. .
جالك جلطه ليه؟
مراتك معكننه عليك؟
إخواتك مش بيزوروك؟
واحده كنت بتحبها وعملت ليك بلوك ع الفيس؟
.
جالك جلطه ليه؟
واخذ قرض ومتورط بالسداد ؟
جتلك فاتورة كهرباء وما قدرتش تسدد ففصلوا عنك الكهرباء؟
حاسس انك غريب ببلدك؟
الدنيا ملخبطه حولك ومخك بطل يجمع من كثر القوانين الجائرة؟
رفع اﻻسعار مش عاجبك ؟
جالك جلطه ليه؟
.
طلعت على المعاش ومعاشك مش مكفي اجار بيتك؟
جالك فشل كلوى من المياه الملوثه ورحت تغسل قالولك ما فيش مكان إنتظر إما حد يموت وأدخل مكانه؟
بتتفرج على أحمد موسى؟
مرتضى منصور معاه سى دى لحضرتك؟
بتسمع قناة صدى البلد
جالك جلطه ليه؟
خريج هندسه ومش ومافيش وظايف  ﻻقي شغل؟  
خريج تجاره انجليزى وواقف فى سوق الخضارتبع طماطم ؟
خريج أداب وبتسوق تكنك ؟
خريج حقوق وفارش فى الكبرى بتبيع فلينات ؟
خريج زراعه واشتغلت فى الشادر ؟
جمعت كل اللى تملكه وأعطيته لإبنك لكى يسافر ليبيا وغرق على شواطئ مرسى مطروح ؟
جالك جلطه ليه
مديون ومش عارف تسدد ديونك؟
بتستنى دورك فى التعيين بقالك 18 سنين؟
حبيبتك عايزه تتجوز ومش قادر تخطبها ؟
مش قادر تشتري ملابس لأولادك؟
مش لاقى شقه؟
.
جالك جلطه ليه؟
دا انت حمار
عايز تعرفنا انك عندك إحساس اكتر من البنى آدم
.
جالك جلطه ليه؟